لم تقف الحشرة على الماء؟

أكيد بتضل تجارب التوتر السطحي للماء أروع شي ممكن نطبقوا مع أطفالنا 😉
ما بياخد وقت أولا
وتانيا موادو دائما متوفرة
بما انو أطفالي مو اول مرة بحكيلن عن التوتر السطحي (طبعا تالة فهمانة الموضوع نوعا ما بس جوليا المهم تلعب😂)
فكان عندن فكرة عنو ..ولما سألتن عن قدرة الحشرات على الوقوف على سطح الماء ؟
قالتلي بنتي الصغيرة لإنو الحشرات صغيرة وخفيفة ومالا سمينة 😅(وجهة نظر بريئة)
تالا جاوبت لإنو خفيفة وقالتلي انو الشعيرات على أقدام الحشرة ممكن تلعب دور كبير
وفعلا حكيا ما كان غلط
بس هاد التفسير مو كامل لإنو السب
ب الرئيسي هوي التوتر السطي للماء

متل ما شايفين بالصورة قصيتا أشكال حشرات من الورق(بس لازم تعملو أكترمن وحدة لإنو بضمنلكن انكن حتستهلكو كتير 😌)

بنلاحظ انو الحشرة الورقية ممكن توقف فترة طويلة بالماء

التفسير العلمي:
الطبقة السطحية للماء تتصرف أو تكون كورقة رقيقة مرنة حيث القوى والروابط بين جزيئات السائل هي المسؤلة عن التوتر السطحي . و الجزيئات على السطح ليس لديها جزيئات فوقها لذلك تكون قوى الترابط على الجزيئات الأخرى المحيطة بها أقوى مقارنة بالجزيئات الداخلية

بس بشكل بسيط فيكن تورجو هي الصورة لأطفالكن وتخبرون انو جزيئة الماء عندا إيدين كتير بتمسك اخواتا من كل الجهات حتى ما تضيع عنهن بس الجزيئات السطحية للسائل بيكون عندا إيدين فاضيين منشان هيك بتتوتر وبتخاف وبيجذبوا إخواتا باتجاهن (ناحية السائل للداخل)ولهيك بتتصرف كطبقة مرنة بتقدر توقف عليا الحشرات

بتمنالكن وقت سعيد مع أطفالكن 😘😘
ازا عنكن تعليق أو تصحيح كتبو بالتعليقات ..رأيكن بيهمنا وهاد فيديو بيسهل على أطفالكن الشرح
https://youtu.be/WJpkFJAr4mY