ألعاب نارية داخل الماء **

كل الأطفال بيحبوا الألوان وهي التجربة مناسبة بشكل كبير للأطفال بأعمار مختلفة. بنتي حبتا كتير ..بتتضمن هالتجربة  تمهيد لمبادئ علمية بسيطة ممكن تنشرح للطفل حسب عمرو . 


مواد التجربة:
*كأس زجاجي طويل
*ماء دافئ
*ملونات طعام
*حوالي ملعقتين طعام زيت


طريقة التحضير:
نملأ العبوة الزجاجية بالماء الدافئ إلى أن تمتلأ تقريبا 
ثم نضع في صحن صغير الزيت وبضع قطرات من ملونات الطعام

-نحرك القطرات بوساطة شوكة أوعود خشبي

-ثم نصب الزيت والملونات فوق الماء في العبوة الزجاجية

-ثم شاهد الألعاب النارية داخل الماء

التفسير العلمي:
الماء والزيت لا يمتزجان .وكثافة الماء أكبر من كثافة الزيت بالتالي سيطفو الزيت فوق الماء..قطرات الملون ستنزل من طبقة الزيت لأنها أثقل منه وستبدأ بالإنتشار داخل الماء على شكل انفجارات مثل الألعاب النارية......
التفسير العلمي بيكون حسب عمر الطفل وإذا كان الطفل صغير بالعمربيكفي إنو يستمتع  بمشاهدة الألعاب النارية داخل الماء...

نشاط:صنع زهرة تباع الشمس**

نشاط ممتع بالنسبة للطفل إنو يقص ويلون ..وخلال صنع زهرتنا استفدنا من التعرف على بذور الزهرة بشكل عملي ..

المواد اللازمة:

*ورق أصفر

*كرتون

*صمغ

*ورق كب كيك (نلصق بذور عباد الشمس عليها)

*بذور عباد الشمس

*ألوان

            تأثير المشروبات والطعام المتراكم على الأسنان***

الأطفال  بيحبو الحلويات وبيحبو العصائر والمشروبات الغازية..

تجربتنا اليوم بتقوم على تعريف الطفل كيف ممكن تتأثر الأسنان بالمشروبات والأطعمة المختلفة..

المواد اللازمة للتجربة:

*ثلاث بيضات (اثنتين مسلوقتين وواحدة نيئة)

* ثلاث أكوا بلاستيكية

*قهوة أو شاي (مشروب ساخن)

*خل (مع الشرح بأن السكريات والأطعمة المتراكمة على الأسنلن تتحول بفعل بكتريا الفم إلى أحماض)

*مشروب غازي(مشروب بارد)

معجون أسنان وفرشاة أسنان

تحضير التجربة:

وضعنا بيضة مسلوقة في القهوةأو الشاي ،والأخرى في الكولا..أما البيضة النيئة فوضعناها في الخل

وتركنا البيض لليوم التالي .

خلال هالفترة ممكن تتناقشوا مع أطفالكم،وتعرفوا التخمينات والأسئلة غير المتوقعة للعقول الصغيرة..وتشرحوا تأثير الأحماض على بنية السن وكيف ممكن يأثر على قشرة البيضة..

باليوم التالي بتكون النتيجة كما هي موضحة بالصورة

نلاحظ أن البيضة المغمورة بالكولا إكتسبت لون داكن أكتر من القهوة ،بالإضافة لبقع عديدة على القشرة.

طبعاً البيضة المغمورة بالخل بتكون صارت طرية وبدأت تفقد قشرتا .

خلال عملية تنظيف البيض ثقبنا البيضة النيئة بالغلط ....

تالا كانت بتعرف نتيجة هي التجربة مسبقا ..لإنو طبقناها من قبل بتجربة موجودة على مدونتنا على الرابط التالي بيض نيء مطاطي 

وبعد عملية تنظيف البيض كان عنا النتيجة التالية:

المشروبات والطعام المتراكم على الأسنان ممكن يسبب تسوس بالإضافة لإصفرار الأسنان كما حصل مع البيض..

لازم نضف  أسناني كتيييييييييييروماعاد آكل حلويات بالليل (هيك استنتجت  تالا) 

                     **دورة حياة الدجاجة**

 مصطلح دورة الحياة مفهوم كتير صعب بالنسبة للطفل ،ولهيك لازم نبدأ مع شي بسيط و مألوف ..ونتعامل مع الموضوع بطريقة لطيفة وممتعة

 
التطبيق كتير بسيط ...والشي الحلو إنو استخدمنا بصمة اليد لرسم الدجاجة.واستخدمنا مواد عديدة متل الصوف والإسفنج وهيك الطفل بيكون عندو مجال حسي واسع وتجربة لطيفة بتبقى بالذاكرة فترة طويلة.
نحنا قضينا وقت ممتع ،ومنتمنالكم وقت ممتع بتعليم أطفالكم.