أنا بحب الديناصورات:
القصة بلشت من كتاب زغير لقينا بين كتب زوجي..وبعدا اكتشفت أدي ممكن طفل ينجز ،إزا نحنا لبيناالشغف وشاركنا بالفضول وحب الإستكشاف
خلال شهرين كانت حياتنا ممتلئة بأفكار عن الديناصورات ،وعن حياتن ..كيف عاشو وكيف أنقرضوا فيديوهات ,اغاني ..
كانت بنتي ما تمل ،بالعكس كانت تحفظ أسماء معقدة وتألف قصص ..بالنتيجة علمتني كيف لازم علم وإتعلم ...شكرا للعقول الصغيرة
المطلوب من الطفل تعلمه :
حيوانات منقرضة
حيوان عاشب
حيوان لاحم
الإفتراس
متحف
المستحاثة أو الأحفورة وفكرة عن تشكلها (حسب عمر الطفل)
البراكين وثورانها (كأحد أسباب انقراض الديناصورات)
العصر الجليدي
المطلوب من الأهل أو المعلم:
توفير مجسمات بلاستيكية للديناصورات
صور للديناصورات جاهزة للتلوين
أنشطة مختلفة مثل إجمع مع الديناصورات
نقب عن المستحاثة
عمل مجسم لديناصور
نحنا حكينا أول شي عن 1-مصطلح الحيوان المنقرض وما الفرق بينه وبين الحيوان الميت
2 صنعنا مجسم للديناصور من الورق ولونتو تالة كنشاط
*كمان رسمنا صور لديناصورات مختلفة وتخيلنا شو ممكن تكون ألوان الديناصورات
3-حكينا عن بيوض الديناصورات المتحجرة وساوينا أنشطة صنعنا فيا بيوض ديناصور
4-المستحاثة :بقايا نبات أو حيوان محفوظة ضمن الصخور ..
بالنسبة لطفل زغير بيكون من الممتع يتعلم عن المستحاثات بشكل عملي أكتر من النظري...عملنا نشاط عن المستحاثة من الصلصال ومجسمات لديناصورات مختلفة
بالنهاية نقبنا عن الديناصورات متل علماء الآثار
5-تعلمنا مصطلح حيوان عاشب وحيوان لاحم والفرق بينن وتعرفنا على الديناصور الأشهر بين مجموعة الديناصورات اللاحمة T rex
كمان تعرفنا على مصطلح فريسة وافتراس وزدنا حصيلتنا اللغوية
6- تمرين جمع الأعداد طبقناها على الديناصورات
7-بعد ما تعلمنا اسم عدد من الديناصورات صرنا نحاول نألف قصصنا الخاصة ونعمل مسرحياتنا وعملنا لوحات أحيانا للمسرحيات ..ممكن تكرن القصص سخيفة بس مين بيعرف ممكن نكتشف كاتب عظيم :))))
8- بالنهاية حكينا كيف انقرضت الديناصورات وجاوبنا عالسؤال الأول يلي سألتو تالا لي ما في ديناصورات ماما ؟؟؟
بس طبعا المعلومة الجافة ما بتروي عطش الأطفال
طرحنا الفرضيات التلاتة بسبب انقراض الديناصورات بمجسم واحد وب 3أنشطة مختلفة
1-بسبب تغير المناخ نحنا هون حكينا عالعصر الجليدي بس وكيف الديناصورات ما تأقلمت مع البرودة الشديدة
2 -حكينا عن ثوران لبراكين وأثرا عالديناصورات
3-حكينا عن اصطدام شهاب ضخم بالأرض وأثر هالشي عالديناصورات وساوينا شهبنا الخاصة
كل الصور الموجودة تطبيقنا ..استفدنا من الأفكار المطروحة عالنت بالإضافة لأفكارنا الخاصة :)
