بيض نيء مطاطي:


تجربتنا أنا وتالة هادا الأسبوع ممتعة وعلمية وبتعلم مبادئ بسيطة ممكن نوسعا حسب عمر الطفل
 تجربتنا كانت عن البيضة النيئة المطاطية
ما يلزمنا :
1-بيض
2-علبة بلاستيكية
3-خل لغمر البيض
ومنتركن بالبراد ل 48 ساعة ، وهون بتبدا الفوضى ومتعة التعلم الطفل رح يحب شكل البيضة يلي فقدت غلافا المكون من الكالسيوم
نتيجة تأثير حمض الخل وبتكون البيضة اكتسبت ملمس مطاطي من الغشاء الموجود تحت القشرة
البيضة ممكن ترتد وتتدحرج متل الكرة المطاطية ولمن بتنثقب الطفل بيندهش من الغلاف المطاطي أو الورقة الرمادية متل ما سمتا تالة
وبيستمتع بشكل البياض و الصفار
بنتي استغربت من الخل وضلت تسأل شو يلي ممكن يدوب أو لأ بالخل وطلبت تحط على لسانا منو مع بعض الخوف إنو يدوب لسانا ........ وكتير تساؤلات ممكن يطرحا العقل العبقري الصغير لأيا طفل
النتيجة: لا تعلم طفلك مبادئ علمية بس، علمو انو العلم ممتع

نشاطات عن حرف القاف: 

رسمت رسومات بتحبا بنتي على ورق أبيض..ولونا بالألوان يلي بتحبا 

وكانت النتيجة (كتاب حرف القاف)

وسيلة حتى الطفل يستمتع وقت التعليم والأحلى إنو يحس إنو كان جزء من مؤلفين الكتاب ،المهم  وقت التلوين نسمح للطفل يستخدم أكتر من نوع بالتلوين وحتى نسمحلو يرسم ببصمة إيدو وأصابعو متل ما عملنا عند صورة القرد ...