قرشي يأكل السمك **

 بنتي خلال هادا النشاط تعرفت على القرش وأطعمتو السمك بطريقة مونتسوري ..استخدمنا الملقط لإطعام القرش وقوينا عضلات اليد الصغيرة 

الطريقة :

استخدمنا :1-علبة أحذية 

2-أوراق ملونة

3- مقص 

4-ملقط

5-الأسماك توفرت عنا من لعبة قديمة وممكن صناعتا يدويا

 رسمنا قرش على أوراق ملونة وقمنا بفتح فتحة الفم وزودنا الفتحة بأسنان من الداخل 

النتيجة حلوة خاصة الأطفال بيحبو الأشياء لمن بتختفي وفكرة العلبة كانت مناسبة لهالغرض بالإضافة لتمرين عضلات اليد عن طريق الملقط

إنشاء شخصيتي الكرتونية***

بنتي بتحب الرسم متل معظم الأطفال ..بترسم رسم حر دائماً .

جربنا نشاط جديد بيخص الرسم وبيساعدا تقوي عضلات إيديا وتبتكر شخصيات كتيرة من عدد محدود من الخيارات 

طريقة العمل:

ورق مقوى رسمنا علي أجزاء الوجه بشكل منفصل وعدة أنماط من الأنف والفم والعيون 

رسمنا على أوراق تانية عدة نماذج للوجه والشعر 

وعطيت بنتي ورق زبدة لإنو أسهل بالتشفيف وأقلام تلوين أو قلم رصاص ..

نشاط بسيط جدا وبيملي وقت الفراغ ..منتمنالكم أوقات سعيدة مع أطفالكم :))